Scáil An Scéil

by Mícheál Ó Siochrú


Nuair a bhain fear óg as Gleannta Aontroma dárbh ainm Séamus Ó Duilearga an seanchaí Seán Ó Conaill i gCill Rialaigh amach i 1923 b'é ba bhun lena chuairt ná snas a chur ar a chuid Gaolainne. Ach ba bheag a shamlódh ceachtar díobh an lá san an toradh tromchúisech a bheadh ar a mbualadh le chéile. Idir san agus 1931 ba mhó oíche a chaith fear óg faoi fhuanacht thigín an tseanchaí úd ar bhruach na faille ag breacadh scéalta uaidg, is gan faic chun na hoibre aige ach amháin peann agus pár.

B'é críoch agus deireadh na mbeart é gur foilsíodh Leabhar Sheáin Uí Chonaill: ceann des na bailiúcháin béaloideasa ba théagartha riamh. Turas tríd an éacht liteartha seo a thug ar Ó Siochrú Scáil an Scéil a scríobh: cnuasach 65 dhán ar fad agus gach cheann acu spreagtha ag scéal nó ag smut de scéal éigin ón leabhar. Tá na dánta go léir breac le tagairtí do shaibhreas an traidisiúin in Éirinn, agus fítear na tagairtí seo isteach sa bhfilíocht go snasta ar bhealach gan uaim.

Tá caighdeán na teanga fíor-ard agus is léir go bhfuil tuiscint nach beag ag an hfile ar nádúr na filíochta. Tá eilimintí de thraidisiún na hÉireann ina gcrutha uile sna dánta seo: an creideamh, an scéalaíocht, an phágántacht, an mhiotaseolaíocht agus an léann clasaiceach idirnáisiúnta: bainfidh lucht léinn na Gaelige sár-thaithneamh as a bhfuil curtha ar fáil ag an fhile ann.

Seo an ceathrú cnuasach filíochta ó Mhícheál Ó Siochrú; Gealach na gCoinlíní, An Spás Á Ghlanadh agus Rachlas na cinn eile. Foilsíodh úrscéalta chomh maith uaidh, Oidhre na Priaireachta agus An File.

Rugadh agus tógadh i mbaile an Sceilg, Uíbh Ráthach é i ngiorracht cúpla míle de thig Sheáin Uí Chonaill, ach thréig sé maidhm na bóchna blianta fada ó shin ar son mhonabhar na Sionainne i gCaisleán Ó gConnaing, Co. Liumneach. Tá duaiseanna éagsúla i gComórtais an Oireachtais gnóthaithe ag a chuid filíochta agus úrscéalta maraon le duais ó Choiste Sheachtain na Scríbhneoirí.

ISBN: 6660012190195

€ 7.50 

In Stock.

Usually despatched in 1-2 working days

Date of Publication: 04/06/2019

  
Cover of Scáil An Scéil - Mícheál Ó Siochrú - 6660012190195Paperback